ელექტრული ინდუქცია

ფიზიკაში ელექტრული ინდუქცია (ელექტრული წანაცვლება, როგორც წესი აღინიშნება D სიმბოლოთი) — ვექტორული სიდიდე, რომელიც ტოლია ელექტრული ველის დაძაბულობის ვექტორისა და პოლარიზაციის ვექტორის ჯამისა

SI სისტემაში

$𝐃={ϵ}_0𝐄+𝐏$.

გაუსის ერთეულთა სისტემაში

$𝐃=𝐄+4\pi 𝐏$.

SI სისტემაში ელექტრული ინდუქციის ერთეული არის კულონი მ²-ზე (L^-2TI).

ძირითადი განტოლებები

გაუსის ერთეულთა სისტემაში ინდუქციის ვექტორის ძირითად განტოლებებს აქვს სახე (მაქსველის განტოლებების მეორე წყვილი)

$\mathrm{d}\mathrm{i}\mathrm{v}𝐃=4\pi \rho$

$\mathrm{r}\mathrm{o}\mathrm{t}𝐇=\frac{4\pi }{c}𝐣+\frac{1}{c}\frac{\partial 𝐃}{\partial t}$

სადაც $\rho$ არის თავისუფალი მუხტის სიმკვრივე, ხოლო $𝐣$ არის თავისუფალი მუხტების დენის სიმკვრივე. ასეთი სახით განსაზღვრული $𝐃$ ველის შემოღება საშუალებას იძლევა გამოირიცხოს მაქსველის განტოლებებიდან უცნობი მოლეკულური დენები და პოლარიზაციული მუხტები.

იხილეთ აგრეთვე

• ელექტრული ველის დაძაბულობა
• მაქსველის განტოლებები