წყალბადის ბრომიდი

თარგი:ინფოდაფა ნივთიერება წყალბადის ბრომიდი ან ბრომწყალბადი — ბრომის წყალბადთან ნაერთი ქიმიური ფორმულით $\mathrm{H}\mathrm{B}\mathrm{r}$. უფერო, მძაფრსუნიანი აირი. დნობის ტემპერატურაა −86.9°C, დუღილისა კი — −66.8°C. წყალში კარგად იხსნება. ბრომწყალბადის წყალხსნარი — ბრომწყალბადმჟავა — უფერო, მინერალური მჟავაა.

მიღება და გამოყენება

მრეწველობაში ბრომწყალბადი მიიღება მაღალ ტემპერატურაზე ბრომის ორთქლისა და წყალბადის ურთიერთქმედებით, ლაბორატორიაში კი — 50%-იანი $\mathrm{H}{\phantom{A}}_2\mathrm{S}\mathrm{O}{\phantom{A}}_4$-ით ბრომიდების დამუშავებით. ბრომწყალბადს იყენებენ ბრომიდების, ორგანული ბრომწარმოებულების მისაღებად და სხვა მიზნებისთვის.