სინგონია

კრისტალოგრაფიული სინგონია — კრისტალების დაყოფა მათი ელემენტარული უჯრედის სიმეტრიის მიხედვით. ყოველ სინგონიას ახასიათებს ელემენტარული უჯრედის a, b, c ღერძებისა და მათ შორის მდებარე α, β, γ კუთხეების გარვეული თანაფარდობა.

განარჩევენ 7 სინგონიას:

1. კუბურს ($a=b=c$, $\alpha =\beta =\gamma =90^{\circ }$),
2. ტეტრაგონურს ($a=b\ne c$, $\alpha =\beta =\gamma =90^{\circ }$),
3. ჰექსაგონურს ($a=b\ne c$, $\alpha =\beta =90^{\circ },\gamma =120^{\circ }$),
4. ტრიგონურს ($a=b=c$, $\alpha =\beta =\gamma \ne 90^{\circ }$),
5. რომბულს ($a\ne b\ne c$, $\alpha =\beta =\gamma =90^{\circ }$),
6. მონოკლინურს ($a\ne b\ne c$, $\alpha =\gamma =90^{\circ },\beta \ne 90^{\circ }$)
7. ტრიკლინურს ($a\ne b\ne c$, $\alpha \ne \beta \ne \gamma \ne 90^{\circ }$).

სინგონია სიმეტრიის მიხედვით კრისტალების ყველაზე მსხვილი საკლასიფიკაციო ქვედანაყოფია. ყოველი მათგანი მოიცავს სიმეტრიის რამდენიმე წერტილოვან ჯგუფს, ერთ (ტრიკლინური, ტრიგონური და ჰექსაგონური სინგონიები) ან რამდენიმე (დანარჩენი სინგონიები) ბრავეს მესერს.