სინათლის ნაკადი

სინათლის ნაკადი (აღნიშვნა: ${\mathrm{\Phi }}_v$) — ფიზიკური სიდიდე, რომელიც ასახავს სინათლის სიდიდეს, რომლითაც ფასდება გამოსხივების ნაკადი, ე. ი. ოპტიკური გამოსხივების სიმძლავრე, თავის მიერვე გამოწვეული სინათლის შეგრძნების მიხედვით [უფრო ზუსტად თავისი მოქმედების მიხედვით სინათლის სელექციურ მიმღებზე, რომლის სპექტრულ მგრძნობიარობას განსაზღვრავს გამოსხივების ფარდობითი სპექტრული სინათლოვანი ეფექტურობის $V(\lambda )$ ფუნქცია, სადაც $\lambda$ სინათლის ტალღის სიგრძე ვაკუუმში]. სინათლის ნაკადის ერთეულია ლუმენი. ${\mathrm{\Phi }}_v$ სინათლის ნაკადი ${\mathrm{\Phi }}_e$ გამოსხივების ნაკადთან დაკავშირებულია თანაფარდობით:

${\mathrm{\Phi }}_v=K_{\mathrm{m}}\underset{0}{\overset{\mathrm{\infty }}{\int }}{\mathrm{\Phi }}_{\mathrm{e},\lambda }(\lambda )V(\lambda )\mathrm{d}\lambda$,

სადაც კმ სპექტრული სინათლოვანი ეფექტურობის მაქსიმალური მნიშვნელობაა, რომელიც ≈ 680 ლმ·ვტ⁻¹ (როცა ტალღის სიგრძე 555 ნმ-ია).