რხევის პერიოდი

თარგი:ინფოდაფა ფიზიკური სიდიდე რხევის პერიოდი (სიმბოლო: ${\displaystyle }$T, $\tau$, $\mathrm{\Theta }$) — ფიზიკური სიდიდე, რომელიც განსაზღვრავს დროის უმცირეს შუალედს, რომლის შემდეგ მერხევი სისტემა ხელახლა უბრუნდება ნებისმიერად არჩეულ მდგომარეობას. რხევის პერიოდის ცნებას იყენებენ მხოლოდ ისეთი შემთხვევებისათვის, როცა რომელიმე სიდიდის მნიშვნელობანი ზუსტად მეორდებიან დროის ერთნაირი შუალედების შემდეგ, მაგალითად, ჰარმონიული რხევების შემთხვევაში; უფრო ფართო მნიშვნელობით იყენებენ მიახლოებით განმეორებადი პროცესების შესწავლისას.

რხევის პერიოდი უკუკავშირშია რხევის სიხშირესთან:

$T=\frac{1}{\nu }$

ტალღურ პროცესებში რხევის პერიოდი დაკავშირებულია ტალღის სიგრძესთან:

$T=\frac{\lambda }{v}$,

სადაც $v$ — ტალღის გავრცელების სიჩქარეა (უფროსწორედ კი — ფაზური სიჩქარე).

რესურსები ინტერნეტში

• რხევის პერიოდი // nplg.gov.ge