პარამაგნეტიკი

პარამაგნეტიკი — ნივთიერება, რომელიც გარე მაგნიტურ ველში მაგნიტდება ველის გასწვრივ. როცა გარე ველი არ არსებობს პარამაგნეტიკი დამაგნიტებული არ არის. პარამაგნეტიკის ატომებს (იონებს) აქვს საკუთარი მაგნიტური ომენტი, მაგრამ ფერო- და ანტიფერომაგნეტიკებისათვის დამახასიათებელი მაგნიტური სტრუქტურა პარამაგნეტიკს არა აქვს. გარე მაგნიტური ველის გავლენით პარამაგნეტიკის ატომთა (იონთა) მაგნიტური მომენტები (პარამაგნტიტური ლითონებისათვის — გამტარობის ელექტრონების მაგნიტური მომენტები) უპირატესად ველის გასწვრივ ორიენტირდება, რის შედეგად პარამაგნეტიკი იძენს ჯამურ მაგნიტურ M მოენტს, რომელიც ველის დაძაბულობის პროპორციულია და მიმართულია ის გასწვრივ. ამიტომ პარამაგნეტიკის მაგნიტური ამთვისებლობა ${\chi }_{\text{მოლ}}=M/H$ ყოველთვის დადებითია, სადაც ${\chi }_{\text{მოლ}}$ ერთი მოლის ამთვისებლობაა. პარამაგნეტიკებია მოლეკულური ჟანგბადი $\mathrm{O}{\phantom{A}}_2$, ტუტე და ტუტემიწა ლითონები და სხვა. ზოგიერთი პარამაგნეტიკის პარამაგნეტიზმს განაპირობებს ბირთვების მაგნიტური მომენტები (მაგალითად ${\phantom{A}}_{\phantom{}}^{\phantom{3}}{\phantom{A}}_{\phantom{2}}^{\phantom{2}3}\mathrm{H}\mathrm{e}$).

ზოგიერთი პარამაგნეტიკის მაგნიტური
ამთვისებლობა
(ნორმალურ პირობებში)

ნივთიერება	მაგნიტური ამთვისებლობა $\chi$·10-5 (სმ3/მოლ)
ვოლფრამი W	7.8
ცეზიუმი Cs	6.1
ალუმინი Al	3.2
ლითიუმი Li	2.4
მაგნიუმი Mg	2.2
ნატრიუმი Na	3.72

იხილეთ აგრეთვე

• პარამაგნეტიზმი