მინკოვსკის სივრცე

მინკოვსკის სივრცე, ოთხგანზომილებიანი სივრცე — სივრცე, რომელიც აერთიანებს ფიზიკურ სამგანზომილებიან სივრცესა და დროს. შემოიღო ჰ. მინკოვსკიმ 1907-1908 წლებში. წერტილები მინკოვსკის სივრცეში შეესაბამება ფარდობითობის სპეციალური თეორიის „ხდომილობებს“. ხდომილობის მდებარეობა მინკოვსკის სივრცეში განისაზღვრება სამი სივრცული და ერთი დროითი კოორდინატით. იყენებენ $x_1=x,x_2=y,x_3=z.$ კოორდინატებს, სადაც x, y, z რომელიმე ათვლის ინერციულ სისტემაში ხდომილობის დეკარტის მართკუთხა კოორდინატებია, და $x_0=ct$ კოორდინატს. $t$ არის ხდომილების დრო, $c$ — სინათლის სიჩქარე. $x_0$ ნაცვლად შეიძლება $x_4=ix=ict$ წარმოსახვითი დროითი კოორდინატის შემოღება.

ფარდობითობის სპეციალური თეორიიდან გამომდინარეობს, რომ სივრცე და დრო დამოუკიდებელნი არ არიან. ათვლის ერთი ინერციული სისტემიდან მეორეზე გადასვლისას კოორდინატები და დრო გარდაიქმნებიან ლორენცის გარდაქმნების შესაბამისად.