მასის დეფექტი

მასის დეფექტი — სხვაობა მოცემული იზოტოპის მასასა (რომელიც მასის ატომური ერთეულებითაა გამოსახული) და მასურ რიცხვს შორის. მასის დეფექტი დაკავშირებულია ბირთვში ნუკლონების ბმის ენერგიასთან და ახასიათებს მოცემული ბირთვის მდგრადობას. ზოგჯერ იყენებენ 1 ნუკლონზე მოსულ მასის დეფექტს, რომელსაც ჩაწყობის ნამრავლს უწოდებენ.

ზოგჯერ მასის დეფექტს უწოდებენ $\mathrm{\Delta }E/c^2$ სიდიდეს, სადაც $\mathrm{\Delta }E$ არის ატომბირთვის ბმის ენერგია, $c$ — სინათლის სიჩქარე ვაკუუმში.