ვერცხლის ჰალოგენიდი

ვერცხლის ჰალოგენიდი — ვერცხლის ქიმიური ნაერთი ჰალოგენთან. კარგადაა შესწავლილი ერთვალენტოვანი ვერცხლის ჰალოგენიდები: ფთორიდი — $\mathrm{A}\mathrm{g}\mathrm{F}$, ქლორიდი — $\mathrm{A}\mathrm{g}\mathrm{C}\mathrm{l}$, ბრომიდი — $\mathrm{A}\mathrm{g}\mathrm{B}\mathrm{r}$, იოდიდი — $\mathrm{A}\mathrm{g}\mathrm{I}$. ცნობილია აგრეთვე $\mathrm{A}\mathrm{g}{\phantom{A}}_2\mathrm{F}$ და $\mathrm{A}\mathrm{g}\mathrm{F}{\phantom{A}}_2$ (ძლიერი მჟანგველი). კრისტალები $\mathrm{A}\mathrm{g}\mathrm{F}$ უფერულია, $\mathrm{A}\mathrm{g}\mathrm{C}\mathrm{l}$ — თეთრი, $\mathrm{A}\mathrm{g}\mathrm{B}\mathrm{r}$ და $\mathrm{A}\mathrm{g}\mathrm{I}$ შეფერილია ყვითლად. დნობის ტემპერატურა $\mathrm{A}\mathrm{g}\mathrm{F}$ ტოლია 435°C, $\mathrm{A}\mathrm{g}\mathrm{C}\mathrm{l}$ — 457.5°C, $\mathrm{A}\mathrm{g}\mathrm{B}\mathrm{r}$ — 430°C (700°C-მდე გახურებისას იშლება), $\mathrm{A}\mathrm{g}\mathrm{I}$ — 555°C. ვერცხლის ჰალოგენიდები, გარდა ფთორიდებისა, წყალში ცუდად იხსნება, ამიაკში გახსნისას წარმოქმნიან კომპლექსურ ამიაკატებს. ვერცხლის ჰალოგენიდებს ღებულობენ ჰალოგენებისა და ვერცხლის უშუალო ურთიერთქმედებით მაღალ ტემპერატურაზე. $\mathrm{A}\mathrm{g}\mathrm{C}\mathrm{l}$ იყენებენ კოსმოსური გამოსხივების დეტექტორად, მედიცინაში; $\mathrm{A}\mathrm{g}\mathrm{B}\mathrm{r}$ — ორგანულ სინთეზში კატალიზატორად. ანალოგურ ფოტოგრაფიაში ვერცხლის ჰალოგენიდებს იყენებენ შუქმგრძნობიარე ფოტო- და კინომასალების წარმოებისას.