ელექტრული ნაკადი

ელექტროდინამიკაში, ელექტრული ნაკადი ეწოდება ელექტრული ველის დაძაბულობის ნაკადს. ელექტრული ნაკადი პროპორციული რაიმე ზედაპირის გამჭოლი ელექტრული ველის ძალწირების რაოდენობისა. ელექტრული ნაკადი $d{\mathrm{\Phi }}_E$ რაიმე უსასრულოდ მცირე ზედაპირის ელემენტში $d𝐀$ ტოლია

$d{\mathrm{\Phi }}_E=𝐄\cdot d𝐀$

(ანუ ველის დაძაბულობა E და ფართობის ელემენტის მისი პერპენდიკულარული კომპონენტის ნამრავლისა). შესაბამისად რაიმე S ზედაპირის გამჭოლი ელექტრული ნაკადი მოიცემა ზედაპირული ინტეგრალით:

${\mathrm{\Phi }}_E=\underset{S}{\int }𝐄\cdot d𝐀$

სადაც E არის ელექტრული ველის დაძაბულობა, dA არის $S$ ზედაპირის უსასრულოდ მცირე ელემენტი, რომლის მიმართულება ემთხვევა ზედაპირის გარე ნორმალის მიმართულებას მოცემულ წერტილში.

გაუსის კანონის თანახმად ელექტრული ნაკადი რაიმე ჩაკეტილ ზედაპირზე (SI სისტემაში) ტოლია:

${\mathrm{\Phi }}_E={\oint }_S𝐄\cdot d𝐀=\frac{Q_S}{{ϵ}_0}$

სადაც Q_S არის ამ ზედაპირს შიგნით მოქცეული მუხტი, ხოლო ε₀ არის ელექტრული მუდმივა.

ელექტრული ნაკადის ერთეული SI სისტემაში არის ვოლტი მეტრზე (V m), ან (ექვივალენტურია) ნიუტონი მეტრი² კულონი^-1. მაშასადამე SI სისტემის საბაზისო ერთეულებში ელექტრული ნაკადის ერთეული არის კგ•მ³•წმ^-3•ა^-1.

იხილეთ აგრეთვე

• მაგნიტური ნაკადი