ბივრილი

თარგი:ინფოდაფა მინერალი ბივრილი, ბერილი (თარგი:Lang-el) — სილიკატების ჯგუფის მინერალი ქიმიური ფორმულით $B e_{3} A l_{2} (S i O_{3})_{6}$ . შეიცავს $B e O$ -ს 14,1%-ის პროპორციით, $A l_{2} O_{3}$ — 19,0%, $S i O$ — 66,9%, ხშირად შეიცავს ნატრიუმს, კალიუმს, ლითიუმს, რუბიდიუმს, ცეზიუმს, სკანდიუმს, $C r^{3 +}$ , $F e^{2 +}$ , $F e^{3 +}$ , მანგანუმს, ჰელიუმს, ვერცხლისწყალს, წყალსა და სხვა მინარევებს. კრისტალდება ჰექსაგონურ სინგონიაში. ქმნის პროზმულ, ნემსისებრ, ფირფიტისებრ კრისტალებს ან მთლიან მარცვლოვან მასებს. სიმაგრე მინერალური სკალით არის 7,5, სიმკვრივე 2650—2800 კგ/მ³. ფერის, გამჭვირვალობისა და მინარევების მიხედვით განარჩევენ ბევრილის სხვადასხვა სახეობას: საკუთრივ ბევრილი — მწვანე, მოყვითალო თეთრი მღვრიე კრისტალები; აკვამარინი — $F e^{3 +}$ მინარევით მომწვანო ცისფრად ან მუქ ცისფრად შეფერილი გამჭვირვალე კრისტალები; ჰელიოდორი — $F e^{3 +}$ მინარევით ყვითლად შეფერილი კრისტალები; ზურმუხტი — $C r^{3 +}$ მინარევით მუქ ბალახისფერ მწვანედ შეფერილი გამჭვირვალე კრისტალები; როსტერიტი — უფერო ან $L i^{1 +}$ და $C s^{1 +}$ 15%-მდე მინარევებით მოვარდისფროდ შეფერილი კრისტალები; ვორობიოვიტი (მორგანიტი) — $M n^{3 +}$ მინარევების გამო ვარდისფერი.

წარმოქმნა და გამოყენება

ბივრილი წარმოიქმნება გრანიტულ პეგმატიტებში, გრაიზენებში, სკარნებში, მეტასომატური ტიპის პნევმატოლითურ ჰიდროთერმულ საბადოებში. ბივრილი ბერილიუმის მადნების ერთ-ერთი მთავარი მინერალია, რომლებიდანაც ბერილიუმს ადნობენ. გამჭვირვალე, ლამაზად შეფერილ კრისტალებს აწახნაგებენ და იყენებენ მაღალხარისხოვან ძვირფას ქვად.