ელექტრული მუდმივა

ელექტრული მუდმივა ε₀ (მას ზოგჯერ ვაკუუმის შეღწევადობას, ან ვაკუუმის დიელექტრიკულ შეღწევადობასაც უწოდებენ),, არის ფიზიკური მუდმივა, რომელიც აკავშირებს ელექტრული მუხტის ერთეულს მექანიკურ ერთეულებთან (როგორიცაა ძალა, სიგრძე, მასა და ასე შემდეგ) SI სისტემაში.

მაგალითად, ორ წერტილოვან მუხტს შორის მოქმედი ძალა (SI სისტემაში) განისაზღვრება კულონის კანონით:

$F=\frac{1}{4\pi {\epsilon }_0}\frac{q_1{q}_2}{r^2}$

სადაც q₁ და q₂ არის მუხტები, ხოლო r არის მანძილი მუხტებს შორის. ელექტრული მუდმივა ε₀ ჩნდება ასევე მაქსველის განტოლებებში.

ε₀ მნიშვნელობა მოიცემა

${\epsilon }_0=\frac{1}{{\mu }_0{c}^2}$ = 8.85×10⁻¹² ა·წმ/(ვ·მ);

სადაც c არის სინათლის სიჩქარე ვაკუუმში, ხოლო μ₀ არის მაგნიტური მუდმივა.

იხილეთ აგრეთვე

• კულონის კანონი
• ელექტროდინამიკა