ლამინარული დინება

სითხეში ან აირში მოძრავ სხეულზე მოქმედებს ძალა, რომელიც მოძრაობის საპირისპიროდაა მიმართული.

ლამინარული დინება (თარგი:Lang-la) — ბლანტი სითხის (ან აირის) მოწესრიგებული დინება, რომლის დროსაც სითხის მეზობელი შრეები ერთმანეთს არ შეერევა, ლამინარული დინება მდგრადია. პრაქტიკულად ხორციელდება რეინოლდსის რიცხვის შემდეგი მნიშვნელობების დროს:

$Re=\frac{vl}{\nu }<R{e}_{\text{კრ}}$.

სადაც:

• $v$ — სითხის საშუალო სიჩქარე (მ/წმ);
• $l$ — სითხის მოძრაობის მახასიათებელი ზომა (მ);
• $\nu$ არის კინემატიკური სიბლანტე (მ²/წმ);
• $R{e}_{\text{კრ}}$ — რეინოლდსის კრიზისული რიცხვი.

მაგალითად სითხის (ან აირის) დინებისათვის სწორ წრიულ მილში, როცა $l$ დიამეტრის ტოლია, $R{e}_{\text{კრ}}\approx 2200$, საშუალო სიჩქარე $v=4V_{\text{წმ}}/\pi d^2$, სადაც $V_{\text{წმ}}$ არის სითხის მოცულობითი ხარჯი წამში (მ²/წმ), რომელიც პუაზეილის კანონით განისაზღვრება. $Re>R{e}_{\text{კრ}}$ დროს ლამინარული დინება არამდგრადია და შემთხვევითი შეშფოთებისას გარდაიქმნება ტურბულენტურ დინებად. ლამინარულ დინებაზე დაკვირვება შეიძლება წვრილ (კაპირალურ) მილებში, სრიალის საკისრის საზეთის შრეებში და სხვა.

რესურსები ინტერნეტში

• Wirbelfreie Strömung eines nichtviskosen Fluids