იხილეთ წყარო გვერდისთვის პორტალი:მეცნიერება/რჩეული სტატია

''[[Image:HAtomOrbitals.png|left|130px|წყალბადის ატომის ელექტრონის ტალღური ფუნქცია. ღია შეფერილობის არე მიუთითებს მაღალი სიმკვრივის ალბათობას.]]
'''კვანტური მექანიკა (ტალღური მექანიკა)''' – ისეთი ფიზიკური სისტემების აღწერის მეთოდი-თეორია, რომელთა [[ქმედება|ქმედების]] განზომილების მქონე მახასიათებელი სიდიდეები <math>\hbar</math> [[პლანკის მუდმივა|პლანკის მუდმივის]] რიგისაა. როგორც წესი, ამ პირობას მიკრონაწილაკების ([[მოლეკულა|მოლეკულების]], [[ატომი|ატომების]], [[ატომბირთვი|ატომბირთვების]], [[ელექტრონი|ელექტრონების]], [[ნუკლონები|ნუკლონების]] და ა. შ.) მოძრაობა აკმაყოფილებს, თუმცა ზოგიერთ შემთხვევაში სპეციფიური კვანტური თვისებები მაკროსკოპულ სისტემებსაც გააჩნია. 

კვანტური მექანიკა ცნებათა სისტემის და მისი ადეკვატური მათემატიკური აპარატის სინთეზია, რომელიც აუცილებელია და საკმარისი შესაბამისი ფიზიკური სისტემების და მათი მოძრაობის დამახასიათებელი ყველა დამზერადი სიდიდის აღწერისათვის. კვანტური მექანიკის კანონები ნივთიერების აგებულების შესახებ მეცნიერებათა ქვაკუთხედს წარმოადგენენ. ამ კანონებით აიხსნა ატომების და ატომბირთვების აგებულება, გაირკვა ქიმიური ბმის ბუნება, გასაგები გახდა, თუ რა კანონზომიერება განსაზღვრავს [[ქიმიურ ელემენტთა პერიოდული სისტემა|ელემენტთა პერიოდულ სისტემაში]] ელემენტების განლაგებას. კვანტური მექანიკის კანონების აღმოჩენამ [[მეცნიერულ–ტექნიკური რევოლუცია]] განაპირობა. ([[კვანტური მექანიკა|...სრულად]]).