იხილეთ წყარო გვერდისთვის ლუგელა

'''„ლუგელა“''' — სამკურნალო მინერალური წყალი. საბადო მდებარეობს საქართველოს [[ჩხოროწყუს მუნიციპალიტეტი|ჩხოროწყუს მუნიციპალიტეტში]], [[ხობისწყალი|ხობისწყლის ხეობა]]ში, სოფელ [[მუხური (ჩხოროწყუს მუნიციპალიტეტი)|მუხურიდან]] 4 კმ-ზე, 290 მ სიმაღლეზე. წყალი გამოდის ბაიოსური ასაკის ძლიერ დისლოცირებული ქანებიდან. „ლუგელა“ ბუნებრივი მედიკამენტია, წარმოადგენს კალციუმის ქლორიდის 9,5%-იან ხსნარს. ქიმიური შედგენილობა <chem>Br_{0\text{'}15-0\text{'}20}M_{45-60}{\tfrac{Cl{99}SO_41}{Ca{90}(NA{+}K){10}}}{12}\text{°}CpH{7,0}</chem>; დებიტი 22მ<sup>3</sup>/დღე-ღამე. იხმარება სასმელად. ლუგელას პირველი ქიმიური ანალიზი აკადემიკოს რ. კუპცისის მიერ იქნა შესრულებული [[1927]] წელს. წარმოებს ჩამოსხმა, წელიწადში (1981) დაახლოებით 0,5 მლნ ბოთლი (0,5 ლ). 

„ლუგელა“ ურთულესი ქიმიური შემადგენლობისაა. იგი მიეკუთვნება ქლორიდული წყლების ჯგუფს, თვითონ ქმნის მინერალური წყლების ტიპს და ჰიდროქიმიურ ლიტერატურაში „ლუგელას“ წყლების სახელწოდებითაა ცნობილი. წამყვანი ელემენტებია: [[კალციუმი]]ს [[კათიონი]] და [[ქლორი]]ს [[ანიონი]], დამახასიათებელია [[ბრომი]]ს არსებობა, თანმხლები გაზია [[მეთანი]], მცირე რაოდენობით შეიცავს: ანიონებიდან ფტორს, იოდსა და სულფატს, ხოლო კატიონებიდან ნატრიუმს, კალციუმს და მაგნიუმს. მაღალი მინერალიზაციის გამო დიდხანს ინახება, ჩამოსხმისას არ საჭიროებს [[ნახშირორჟანგი]]თ გაჯერებას, აღნიშნული თივსებების გამო „ლუგელას“ მსოფლიოში ბადალი არ ჰყავს.

სამედიცინო გამოკვლევებით დადგენილია, რომ მინერალური წყალი „ლუგელა“, მიეკუთვნება სამკურნალო–სასმელი წყლების კატეგორიას, რომელიც მიიღება მხოლოდ ექიმის დანიშნულებით. „ლუგელას“ სამკურნალო ჩვენებებია [[ტუბერკულოზი]], ლულოვანი ძვლების მოტეხილობა, [[რაქიტი]], ალეგიული დაავადებები, [[სისხლი]]ს შედედების დაქვეითება და სხვა. ფარმაკოქიმიის ინსტიტუტის მიერ დამუშავებულია „ლუგელას“ მინერალური წყლისაგან [[კბილი]]ს პასტის მიღების [[ტექნოლოგია]]. იგი დიდი წარმატებით გამოიყენება აგრეთვე მეცხოველეობასა და მეფრინველეობაში. წყლისაგან მიღებული  მაღალი კონცენტრაციის ხსნარი, როგორც სიცივის გადამტანი აგენტი, წარმატებით გამოიყენება სამაცივრო დანადგარებში.

== ლიტერატურა ==
{{ქსე|6|302|ცერცვაძე ნ.}}
*''ნურმან არდია, ჭიჭიკო ჯანელიძე'', სამეგრელო (გეოგრაფიული აპექტები) – თბილისი–ზუგდიდი, 1999 წ.

[[კატეგორია:ჩხოროწყუს მუნიციპალიტეტი]]
[[კატეგორია:სამეგრელო]]
[[კატეგორია:ქართული მინერალური წყლები]]